Antara Garut Jeung Tasik

Ieu dua wewengkon di Pasundan nu seueur pandudukna, sareng seueur nu jadi pangumbara ka daerah sejen boh di nusantara atawa mancanagara. Dua wewengkon ieu Jadi duta/identitas Sunda di kancah nasional/internasional/ Mun disebutkeun ngaran Garut atawa Tasik pasti kapikiran urang jeung basa Sunda ku urang nu sanes Sunda. Tina sajarahna ge dua wewengkon ieu parantos ngagentos namina. Garut kapungkur namina Limbangan, ai Tasik mah Sukapura. Saparantosna jaman kamardikaan, Tasik leuwih unggul dina kaaktifan di kancah nasional. Tasik pernah jadi tempat konfrensi pembentukan koperasi Indonesia. Tasik oge ngagaduhan tokoh politik nasional nyaeta Ir. H. Djuanda. Sementawis Garut di jaman Walanda taaun 1850-1940 jadi obyek wisata para meneer sareng bule-bule eropah. Garut kakoncara ka mancanagara ku nami Switzerland van Java. Charlie Chaplin sareng PM Perancis pernah ka Garut. Mung kadieukeun na mah perkembangan Garut asa lamabat dibanding daerah sejenna (Tasik). Balik deui ka masa bada kamardikaaan, Tasik jadi pamingpin Priangan Timur. Daek teu daek urusan adminstratif nu berkaitan jeung birokrasi, urang Garut kudu ka Tasik, contona ASKES, Taspen, dll. Tasik jadi makin tenar ku ayana Rombongan Artis. R. Oma Irama jadi pamingpina, teras dilajengkeun ku Itje Tresnawati (dugi katelah masjid Itje di Jamanis), Evie Tamala, Cucu Cahyati, Vetty Vera, Alam, Indra Brugman, Aura Kasih, Dara Virgin, jns. Di Garut ge tos seueur artisna ayeuna mah ti Rieke Dyah Pitaloka, Epi Kusnanadar, Jupe (katurunan), jns. Dina Seni Sundana Tasik ngagaduhan Mang Koko, Garut ngagaduhan Nano S. Aya nu unik, Artis Tasik jadi wakil Bupati di Garut (Dicky Candra). Tasik mah ditambih ku atlet internasional jiga Susi Susanti, Lidya Djaelawijaya. Mun di Jakarta mah Urang Garut teh katelah ku Cukur ASGAR, Tukang Sol Patu, ES Campur Sinar Garut. Ai Tasik mah katelah ku tukang parabotan, tukang es kalapa, Mayasari Bakti. Dina Kakompakkan mah urang Garut leuwih padu nu katembong tina persatuan ASGAR Jaya. Gubernur BI ge ASGAR (Burhanudin Abdullah), di Depok aya Gumilar Rusmiwa Somantri (Asli Tasik). Dina soal "kagarangan" mah Garut leuwih sangar tibatan Tasik. Seueur Preman Garut berkeliaran di Jakarta. Tina Kaendahan Alamna Garut masih jawara, alamna nu endah dihias ku gunung-gunung nu luhur jeung hawana masih keneh adem, kebon teh di cikajang nu tiisna nyecep ka tulang, matak ni'mat keur dahar liliwetan, Lautna nu masih parawan kakonci ku Leuweung Sancang. Di Tasik mah parantos panas (ngaheab), bentang alamna nu didominasi ku pasir (Tasik kota 10000 bukit) ayeuna mah pasirna dikeukkan diala batu jeung keusikna. Laut tasik kaganngu ku panambangan mangan di Cipatujah. Terminal Tasik Tipe A di Garut masih tipe B. Stasion Tasik masih eksis , stasion Garut tinggal kenangan. Urang Garut Kaler masih jadi konsumen Beus Tasik.Tasik jadi kotamadya (kota). Garut masih Kabupaten.Ti kondisi perekonomian nu jomplang antara Garut jeung Tasik, pernah aya desakan ti Malangbong nu hoyong gabung ka Tasik pedah teu aya perhatian ti Garutna.



Najan Garut Jeung Tasik Beda. Duanana dihijikeun dina Pasundan nu hirup Ki Sunda nu jadi Jatidiri wargana. Kuring teh Asgar tapi budak Gakunggung oge. Seueur indo Garut Tasik dimamana! Asgar (Cibatu) nu aya di Tasik aya di Lengkong-Tasik, jsb. Warga Tasik nu di Garut seueur di Garut Kaler (Malngbong, Limbangan, Cibatu jsb.).

Tetep Rukun Garut-Tasik (Jaya Sunda)

ASK-PASUNDAN JAYA

The Pussycat Dolls Feat AR Rahman - Jai ho

ASK-PASUNDAN JAYA

Marimar versi Pilipina

ASK-PASUNDAN JAYA

Surabi Bandros Raos Pisan

Mangga geyra disetel !!!

ASK-PASUNDAN JAYA

Kapal Jet nu Ngaguruh

Paringatan poe jadina ABRI (balik deui ka TNI),...nu nincak dina tanggal 5 oktober. Sok direuah reuah ku atraksi kapal jet,....tina sorana mah tarik ngaguruh jiga angin puyuh gede,...tapi mun disidik-sidik mah geuningan kapal jetna teh tos sarepuh,...seuseurna masih F-5,..ditambih F-16,..eta ge mung sababarah skuadron,...najan aya sa skuadron kapal jet anyar (Sukhoi) tapi teu sabanding jeung gedena wilayah nusantara,...Wajar we kapal jet nagara deungeun sok ngaliwat solonong boy ka nusantara. Pernah jet amerika diudag ku jet AU tapi jet urang geus kakonci tinggal sakali pencet tombol ancur,..sedih euy,..tuan rumah elah jeung dieera ku semah,...??? mun dina motor mah batur mah geus make Tiger urang mah masih ngoleksi motor antik CB. Kumaha rek ngajaga wilayah nusantara ari kieu mah??? nagara urang mah masih keneh ngimpor jet atuh,..bandingkeun jeung cina, sanajan sok ngahasilkeun nu imitasi tapi kreatip jeung mandiri,...Berdayakeun BUMN teknologi, pesawat, perkapalan, senjata jeung bahan peledak (LIPI, LAPAN, PT DI, PT PAL, PINDAND, PT Dahana). Eta BUMN sina kumpul riung nyieun proyek teknologi pertahanan (alustista), kajeun masih dibawah standar ge nu penting mah bisa nyieun sorangan da ke ge bisa ngalusan sorangan da di ajar (kreatip tea),..Percayakeun ka putra bangsa da loba nu pinter,..(ayeuna mah nu pinter teh digarawe di nagara deungeun),..Batur mah geus bisa nyieun jet nu euweuh soraan ai urang mah masih keneh ngandelkeun sora nu badag bari jeung nembak mah teu bisa da pelorna diembargo ku amerika,..(euleuh2),...Jadi intina mah Jatiwaringin masih gandeng ku jet, mun teh sorana merdu ieu mah ngaberekbek (teuing make mesin RX king meureun da mesinna geus kolot, jabaning spare partna teu dikirim ku amerika),...potensi Nusantara sakitu gedena, tinggal aya kahayang,..rek jadi nagara Superior ge bisa Nusantara mah,...ngan ceunah mah negara yang suka damai (rek dikukumaha ku batur ge cicing bae???) ,..Prihatin ka Indonesia,....!!!!

ASK-PASUNDAN JAYA

Pancasila teh Sakti (ceunah mah)?????

1 Juni 1945 , ceunah mah Pancasila borojol (duka saha indung bapana???). tanggal 18 Agustus 1945 , Pancasila jadi dasar nagara (Indonesia???) nu nyempil dina UUD 1945 (Undang-undang Dasar lain Ujung-ujungna Duit). Pancasila kaombang ambing ku kaayan politik nu can stabil (agresi Belanda I & II), Nagara geus rubah jadi RIS (Repoeblik Indonesia Serikat) nu parlementer, otomatis Pancasila nu aya di UUD karubah deui, Taun 1950-an, nagara ieu kacau balau,..??? Pemberontakan dimana-mana,...wakil rahayat nu kapilih taun 1955 masih bae can nyieun UU nu ngagantikeun UUD 1945. Kabinet geus sababaraha kali gunta-ganti. Harga marahal, kamiskinan geus teu aneh deui, Taun 1959, Presiden mas Karno ngabubarkeun dewan konstituante jeung ngabalikeun deui UUD 1945 nu ay Pancasilaan,...Saprak eta rada mending tapi tetep bae masih keneh pabalatak. Taun 1960-an malah leuwih balangsak,..PKI ngaraja ngintil ngintil sang raja,...RI- Cina jadi masket.Ieu jadi kasempetan keur ngaruntuhkeun kakuasaan,..taun 1965 (G30S/ duka PKI duka saha) 7 jendral pati disiksa di lubang buaya. Kudeta nu satengah hate??? Ujug-ujug Mas Harto jadi juru penyelamat,...Jendral handap nu can ngajabat nu luhur. Ceunah mah PKI rek ngaganti Pancasila ku Palu jeung Arit meh rahayat getol gawe. Ieu ceunah mah nu disebut Kasaktian Pancasila??? Suharto jadi seleb nu langsung ngaluhuran mas karno. asa jiga ngaleuwihan Presiden. Ti dinya rahayat teu percaya deui mas Karno nu kanyahoan deuheus jeung PKI/Cina??? tungtung 1965 jeung awal mimitian 1966 nagara ngabasmi PKI nepi ka ledis. 11 Marert 1966 borojol Super Semar nu leuwih sakti ti Superman. Suharto jadi Ratu Indonesia. Suharto bajoang atas nama "Pancasila",..rahayat nu ngomong aneh-aneh ditewak jeung dibui nepi aya nu leungit teuing kamana (ceunah mah hal ieu teh keur ngajaga Pancasila bisi aya nu ngaganti). Jaman mas Harto, Pancasila bener-bener sakti,..kabeh kudu apal pancasila nepikeun aya P4 ( jang rahayat nu rek/masih gawe jeung PMP keur barudak sakola. Pancasila dewa anyar di Indonesia, padahal mah nu nyieunna mah (ceunah mah mas karno) teu ngadewakeun Pancasila siga suharto. 32 taun Indonesia aya dina jaman katenangan (ceunah???). Ngan mas harto jeung saderekna sibuk kukumpul jeung babanda (meumpeung2an). Nyieun sababraha Yayasan nu ceunahna mah keur rahayat Indonesia kabeh pausahaan kudu setor ka ieu yayasan. Taun 1998, Suharto jadi rahayat biasa deui (Reformasi ceunah mah). Pancasila masih jadi dasar nagara tapi diamandemen di UUDna,..PMP jeung P4 leungit. Cina teu nyumput deui tina ngaran palsuna. Pancasila geus dirobah saeutik tapi tetep bae Indonesia teu jiga nu aya di tulisan Pancasila.

Pancasila teh saestuna barang tong dianggap karamat atawa jadi moral/jiwa da eta mah jieunan jalma. Baheula nyieun Pancasila teh nya garis besar keur nyieun UUD, jadi mun Pancasila diterapkeun kana moral/jiwa bangsa nu ngaleuwihan tina nilai agama,..ieu ngarana salah kaprah??? Hukum nu geus pasti bener mah nya nu datang langsung ti nu Maha Kawasa. Ieu kuduna nu dipajoangkeun!!! Paeh majoangkeun ieu mah moal sia-sia,..tibatan paeh mamawa Pancasila nu euweuh nu ngajamin di aheratna.

ASK-PASUNDAN JAYA

Ubar Stress

Mojang Bandung Iigelan

ASK-PASUNDAN JAYA