Senin, 11 Oktober 2010
Sabtu, 09 Oktober 2010
Antara Ucing Jeung Maung
Di Pasundan mah ngaran ucing jeung maung geus masket pisan. Ucing jeung maung sarupa ngan beda gedena hungkul. Ieu ge jadi perlambang yen ucing keur barudak, maung keur nu dewasa. Ucing sok dipake ngaran kaulinan barudak jiga ucing lumpat, ucing sumput, ucing baledog, jsb. "Cang kacang panjang nu panjang...."Ucing"..." kitu ceunah ceuk barudak mun rek maen uucingan. Mun maung mah perlambang kakuatan jeung kaperkasaan (kapamingpinan). "Mun hidep jadi pamingpin omat sing jadi maung nu ngajaga leuweung jeung eusi-eusina" kitu papatah kolot baheula. Maung ge masket pisan jeung Pamingpin atawa Legenda Urang Sunda nyaeta Prabu Siliwangi (Sri Baduga Maharaja). Anjeunna ngahiang (leungit) di leuweung. Dina ngahiangna Prabu Siliwangi bijil Maung. Maung eta katelah Maung Siliwangi. Maung pangwujudan Prabu Siliwang.
Wallohu Alam.
ASK-PASUNDAN JAYA
Buah
Buah ngaran bubuahan nu jadi biang ngaran bubuahan. Buah nu basa latinna mango alias mangga hirup di daerah tropis. Di Pasundan loba macem buah, ti mimiti buah liar/leuweung nepi ka buah rekaan. Buah ge jadi masket urang Sunda. Buah sok disebut sebut mun aya batur ngaliwat hareupeun urang. " Punten,...!!! jawabna pasti,...Mangga...!!!
Salain loba hasiatna, buah teh jadi tangkal nu (kudu) aya di buruan imah. Tangkalna bisa keur dipake arulin barudak jiga keur maen ucing sumput. Ayeuna mah lolobana buah rekaan (hasil kawin silang) nu sok dipelak teh. Jadi tangkalna parendek jeung leutik teu bisa ditaekan ku barudak. Baheula mah sok resep ngala buah piit mun geus balik sakola teh, buahna nu leutik tapi tangkalna gede, leubeut deuih lumayan jang kadaharan barudak tibatan jajan teu puguh bari jeung nu ditaekan ge tangkal nu batur.
ASK-PASUNDAN JAYA
Milih Indung atawa Bapa???
Aya kecap majemuk nu nyatakeun papasangan siga " indung bapa" .Kunaon indung tiheula ditulisna tibatan Bapa??? Euweuh jeung teu ngeunaheun mun nulisna "Bapa Indung" mah,..??? Ieu teh mangrupakeun kahormatan keur kaum wanoja. Dek awewe dek lalaki sarua wae. Masing masing boga pungsi jeung kawajiban. Euweuh istilah ngeunah jadi awewe jeung ngeunah jadi lalaki. Mun geus borojol jadi awewe nya kudu jadi awewe, kitu deui jeung lalaki. Awewe dina ragana teu sakuat lalaki jadi lalaki kudu ngajaga awewe (pamajikanna). Kitu deui awewe nu leuwih lembut tibatan lalaki, jadi awewe bisa jadi panengtrem lalaki (salakina). Awewe jeung lalaki nu geus kawin tangtuna boga katurunan nu bakalan disebut ku anakna indung jeung bapa. Indung ti hamil nepi ka borojol nepi ka ngasuh budak, capena lain bobohongan. Bapa nu jadi kapala rumah tangga kuralang kuriling banting tulang keur ngahirupan pamajikan jeung budakna. Indung jeung Bapa sarua ngajalankeun tugas jeung kawajibanna. Hubungan antara awewe jeung lalaki. Awewe boh lalaki nu can kawain tangtu kudu ngabakti ka kolotna (indung jeung bapana). Mun awewe nu geus kawin taya deui baktina salain ka salakina. Kolot awewe geus masrahkeun budakna ka minantuna. Mun lalaki nu geus kawin tangtu manehna kudu ngabakti ka indungna. Euwueh nu mujarab du'a jelema salain ti du'a indung. Kumaha mun kulawarga cere (hal nu halal tapi dibendu ku Alloh). Budakna milih kamana??? Euweuh istilah mun mun kulawarga ngalaman cere aya istilah budak ema/indung atawa budak bapa. kabeh budakna tetep budak indung bapana. Rek budakna aya nu dibawa ku indungna tetep bae bapana kudu mere napkah ka budakna. Wali nikah tetep Bapa Kandungna lain Bapa Terena. Milih Indung atawa Bapa??? mun aya budak nu kapisah ku cere maranehna tetep ngajaga babarayaan jeung indung bapana najan indung bapana geus karawin deui. anak moal aya urutna kitu deui indung bapa moal aya istilah urut indung atawa urut bapa. Hubungan ieu aya nepi kabawa ka aherat nu bakal dipenta tanggung jawabna.
Wallohu alam
ASK-PASUNDAN JAYA
Langganan:
Postingan (Atom)