Ngeunteung Ka Orang Utan

Manusa jeung orang utan katingali mirip pisan. Najan manusa embung disebut mirip orang utan tapi da emang mirip, sarua boga 2 suku, 2 leungeun,unggal leungeun jeung suku aya lima ramo. Sarua menyusui. Sarua alat kelaminna. Orang utan teh landihan ka monyet nu siga jelema nu ayana di leuweung. Sigana mah jelema ku orang utan dilandih "monyet kota". Raga ampir mirip tapi pamikiran jauh beda. Manusa leuwih pinter tapi oge leuwih sarakah.Imah orang utan direbut & diruksak padahal orang utan mah  teu  ngarebut & ngaruksak imah manusa.

Abong geus tereh kiamat manusa teh geus loba nu teu waras,teu gableg kaera. Geuraheun  teuing ka Pangcipta geus wani komo ka manusa deui mah. Ayeuna geus kasebutna jaman dipoyok tapi dilebok nu nandakeun teu boga rasa sukur. Conto leutikna si A dibere ulen goreng ku tatanggana. Si A teu nganuhunkeun malah nyorocos ngahina yen ulenna meni tutung, teu ngeunah, heuras jeung rada bau hapeuk ngan anehna ulen teh dihakan oge nepi kabeakna. Komo deui pamere ti pangeran nu sakitu lobana,manusa ngan moyok bari jeung dilebok.

Urang Sunda Diajar Nyunda

Geus loba urang Sunda nu diajar basa deungeun. Arab jeung Inggris mah geus teu bireuk deui. Basa Arab nyaeta basa aherat, basa Inggris nyaeta basa dunya. Katambah deui ku Walanda jeung Jepang nyaeta basa pangjajah. Terus aya basa Jerman basa teknologi. Pokona mah beuki loba urang Sunda nu bisa basa deungeun. Ngan hanjakal nu geus bisa basa deungeun komo deui nu teu belul mah sok ngantep basa hate nyaeta basa Sunda. Lainna mun urang Sunda ngalamun/ngimpi make basa alam bawah sadar nyaeta basa Sunda.Yu dialajar deui

- 1/2

Polah pikir manusa geus dirancang ku Pangeran, nyaeta gabungan sipat iblis jeung malaikat.Sipat nu hade ti malaikat,sipat nu goreng ti iblis.Tapi manusa cenderung ngadeukeutan sipatna jeung iblis.Mun dikonversikeun kana angka mah malaikat +1, ai iblis -1,
sedengkeun manusa netral di 0.
Kusabab manusa cenderung sipatna ngadeukeutan sipat iblis nu sombong,bedegong,sarakah jrd. Maka nilai manusa aya di -1/2. Raga tetep manusa ngan polah pikir geus nyonto iblis.Matakan loba jalma jahat.Panjara ge geus pinuh pisan.

Kudu Nyambel

Ari mun di lembur teh harus bin kudu nyambel keur maturan sangu najan deungeunna jeung hulu peda ge,komo dibaturan peuteuy jeung jengkol mah matak sumanget keur nguras boboko.Rek sambel tarasi,sambel tomat jeung sambel goang ge nu penting aya ladaan nu kacampur haseum jeung gurih.Baheula mah sambel teh murah,cengek tinggal ngala,tomat tinggal metik,bawang tinggal rabut,uyah tinggal puruluk.Ayeuna mah komponen utama sambel nyaeta cengek jsb naek roket ka bulan,hargana nembus 100rb/kilo.Beuki lada cengek teh

Bumi Tereh Tamat

Lila tapi karasa tereh.Tah waktu ayeuna mah geus karasa tereh padahal mah tetep bae samenit 60 detik, saminggu tujuh poe, sataun 52 minggu. Teu karasa umur Bumi nu ditinceuk ku urang geus aki aki.Loba nu geus ruksak tina umur jeung polah manusa.Ieu nandakeun Bumi tereh pareum.Teuing iraha na mah tapi geus pasti Bumi tamat kitu deui jeung eusina nu laleutik siga manusa.Bumi tamat teu sorangan tapi bareng jeung kabeh benda langit sejenna nu leuwih gede tibatan Bumi.Tah ieu kiamat Gede jadiPanutup dunya pana.

Diriung Ku Mojang Priangan

Basa keur jauh mah rada hese manggihan gadis bibit unggul, saha deui atuh iwal ti mojang priangan.Sakumaha nu aya di lirik tembang "mojang priangan" nu panon hideung,irung mancung,pipi koneng,kulit bodas sok umat imut lucu.Kabeh lalaki pasti kataji ku mojang priangan.Alhamdulillah kuring ayeuna aya di markasna atawa puseur mojang priangan tea.Unggal liwat gadis teh geius pasti mojang priangan.Di kenca,katuhu,tukang,hareup aya mojang priangan meni seneng hirup di dunya teh.Kuring teh diriung mojang priangan.