ASK-PASUNDAN JAYA

Upah Minimum Kota/Kabupaten di Jawa Barat tahun 2012

• Kota Bandung Rp 1.271.625,-
• Kota Cimahi Rp. 1.209.442
• Kab. Bandung Rp 1.223.800
• Kab. Bandung Barat Rp 1.236.991
• Kota Tasikmalaya Rp 950.000,
• Kab. Bekasi Rp 1.491.866,
• Kota Bekasi Rp 1.422.252,
• Kab.Bogor Rp 1.269.320,
• Kab. Sukabumi Rp 885.000,
• Kota Sukabumi Rp. 890.000,
• Kab. Cianjur Rp 876.500,
• Kab. Cirebon Rp 956.650,
• Kab. Indramayu Rp 994.864.
• Kota Depok Rp 1.424.797 (98% KHL),
• Kota Banjar Rp 780.000 (86,25% KHL),
• Kab. Sumedang Rp 1.007.500 (81,3% KHL),
• Kab. Garut Rp 880.000 (92,04% KHL),
• Kab. Ciamis Rp 793.750 (86,90% KHL),
• Kab. Subang Rp 862.500 (78,88% KHL),
• Kab. Purwakarta Rp 1.047.500 (84,17% KHL),
• Kab. Karawang Rp 1.269.227 (91,50% KHL),
• Kota Bogor Rp 1.174.200 (99,20% KHL),
• Kab. Majalengka Rp 800.000 (88,59% KHL),
• Kota Cirebon Rp 980.000 (99,95% KHL),
• Kab. Tasikmalaya Rp 946.000 (96,55% KHL) dan
• Kab. Kuningan Rp 805.000 (93,70% KHL).

UMK Jawa Barat Tertinggi/Terendah
Kabupaten Bekasi memiliki upah tertinggi dengan nilai Rp 1.491.866 dan terendah Kota Banjar dengan Rp 780.000.
sumber : Kemnakertrans

ASK-PASUNDAN JAYA

BOBOTOH UNTUK SEPAKBOLA INDONESIA

Taya nu aneh geus asup SUGBK tibaheula oge, iwal ayana barudak leutik make kaos koneng gedang nu ngaranna the jak. SUGBK geus lain hal aneh deui keur bobotoh mah, baheula mah pangseringna bobotoh nu ngeusian Senayan, can aya budak leutik nu make kaos koneng gedang. Can aya nu pulantang polontong di stadion, can aya nu nongton ngan nu hayangna gratisan. Siga budak jalanan, ngan ngabajak we kabisana. Karunya leutik keneh geus diarahkeun jadi brandalan. Padahal mah naon the jak teh? Ngan sakumpulan suporter Persija nu saeutik terus ngarekrut budak jalanan ti taun 1997. Ketua The Jak nu mimiti Fery Indra Syarief nyaeta urut Komandan the KOmando suporter Pelita Jaya basa markasna di Jakarta di GALATAMA. Tangtu manehna jadi kapercayaan Bakrie Group keur neangan suporter. Sanggeus Pelita pindah ti Jakarta , si Indra Syarief dipercaya ku Sutiyoso nu munggaran jadi Gubernur DKI pikeun ngabangkitkeun deui Persija di kancah nasiona. MAklum baheula Persija euweuh pendukungna teu siga PERSIB, trus manehna ngontak deui anak buahna keur ganti baju jadi the Jak nu karek dibentuk. Jumlahna kurang ti saratus jadi manehna ngarekrut deui budak jalanan, sina ngilu nongton Persija gratis jeung dibere kaos. Tah tidinya aya kamajuan oge  da Liga Indonesia ge beuki rame. The Jak nu anyar jadi muridna Viking pikeun diajar organisasi Suporter mengbal. Ngan hanjakalna, ayeuna the jak teh loba nu polontong teu nilik ka waktu harita basa keur anyar ngajadi. Maklum we da the Jak mah budakAbabil hungkul da nu kolotna mah eks suporter bayaran ti Bakrie Group (Komando). The Jak maju pesat , maklum mamawa ngaran ibukota. Geus ngarasa loba the Jak balaga. Basa aya kuis Siapa Berani milik Helmy Yahya di Indosiar edisi Suporter Sepakbola. Didinya aya Viking jeung The Jak. Viking jadi jawara meunang duit loba. Teuing hayang duit ngan era menta meureun, The Jak nyegat viking di jalan trus ngarampog duitna. Tah tidinya we Viking ijid bin ngewa ka the Jak. Asa nulungan anjing nu kacepet buntuna. Beda bobotoh jeung the jak ngan tina akar budayana. Bobotoh mah geus bisa kasebut Budaya. Siga halna wayang golek. Nu kudu dilestarikeun jeung ngakar dina hate urang Sunda lain di Bandung hungkul. Jaman kiwari, memang teu jiga baheula, mun di Senayan teh pasti pinuh ku bobotoh mun Persib maen. Ayeuna ge angger we kitu pedah ayeuna mah ngan ngadukung timnas hungkul. Bobotoh sajati mah datang teh keur nongton mun aya nu ngajak ribut mah nya hayu wae, teu isin ngagaplok budak alit nu bedegong jeung bangkar warah mah. Bobotoh teu salawasna Viking, tapi Viking geus pasti bobotoh, kuring mah Bobotoh nu hayang nongton Persib laga jeung jaya nu bisa ngangkat darajat Indonesia. Aya kasasuaian antara Indonesia jeung mengbal. Indonesia loba jelemana, matakan cocok jeung mengbal da ngabutuhkeun loba pamaen meh kabeh kabagean olahraga. Pasti aya kamajuan dina Sepakbola Indonesia najan masih siga setrikaan bulak balik prestasina. Sok nongton jeung ngadukung tim mengbal mana wae asal tartib jeung bisa ngajaga duduluran jeung aturan maen. Ngan sakitu, Indonesia pasti jaya dina sepakbola. Modal utama urang Nusantara dina mengbal mah ngan resep kana mengbal. Tina resep mah pasti bisa, da bakal ngajiwaan. Soal jawara mah tinggal nunggu waktu.

ASK-PASUNDAN JAYA

Belum Masuk Stadion, Sudah Mati Duluan.

Teu kapikir saeutik acan ku kuring, yen nu ditukangeun antrian urang teh bakal aya nu paeh. Ngantri asup stadion nu jumlahna rebuan ngan dilayanan ku hiji panto 2x1 meter. Emang di SUGBK teh aya 24 sektor, berarti aya 24 lawang. Tapi nu asup lain sarebu dua rebu tapi ampir saratus rebu, bahkan leuwih da nu teu kabagean tiket maksa hayang asup ka jero. Sabener tina unggal sektor aya 2 lawang, ngan dibuka salawang teuing kunaon tah (meureun sieun nu teu boga tiket asup) padahal dina antrian geus siga fakir miskin ngantri sembako, teu paduli deui kana nyawana. Padorong-dorong, paheuyeuk-heuyeuk, pating jorowok, pating ngajerit, siga disiksa ku tantara Jepang basa ngumpukeun warga keur dipaehan. Nu awewe geus laleuleu, loba nu pingsan, budak leutik loba nu ceurik, pulisi, ngan bisa ngaluarkeun awewe jeung budak leutik. Sedengkeun sesana diantep sina beak tanagan. Rek kaluar hese rek asup komo deui. Geus teu bisa mikir ngeunah, ai keur siga kieu mah. Dihareupeun urang ge awewe geulis tapi da teu ngeunah atuh ai padesek siga  kieu mah moal bisa dihayati. Panitiana malah kabur nu aya pulis nu geus ha he hoh, cape ngangkatan awewe jeung budak leutik nu pingsan, ampir 45 menit kuing karek bisa asup bari jeung kudu parea rea omong jeung polisi nu dijero pedah tiketna lain keur sektor ieu. Dasar Polisi gebleg,  kuring langsung wae kaluhur asup ka bangku stadion sanggeus ngadorong pulisi belegug eta, rek asup gerbang ditanya ku pulisi deui:"mana tiketna?" ku kuring dijawab "tuh ku balad sia dicokot tiketna" kuring teh bari nyolonong asup ka bangku stadion. Geus nyaho riweuh, eh diriweuh riweuh deui ku pulisi. Sumanget keur nongton teh asa kabeakeun ku emosi ku panitia jeung pulisi. Maranehna ngan mentingkeun kauntungan teu mikirkeun kana kondisi panongton, nepi ka 2 urang nu ngantri paeh. Mun kuring teu boga kareureus ka nagara ieu mah, moal cape-cape nongton siga kieu. Mangkarunyakeun kanu leungit nyawana lantaran ku hayang nembongkeun kareureus (nasionalisme), sedengkeun nu ngancurkeun bangsa nu teu boga kareureus /nasionalisme siga Koruptor jeung baladna) perlakuan husus ti pulisi. Masih kacau nagara ieu mah, Birokrasi jeung alat nagara teh ngan tunduk ka nu boga duit, sedengkeun nu ngagajih birokrat jeung alat nagara teh ti rahayat leutik. Teu Tau diri jeung kandel kulit beungeut pisan.

ASK-PASUNDAN JAYA

Carita di Jero Elf

Basa rek ka Tasik ti warban geus ngadago-dago Primajasa Bekasi-Tasik tapi lila pisan datangna. Padahal mah Elf geus sababaraha kali ngaliwat bari jeung nawaran. Sorry elf, lainna embung naek da ngeunahan naek beus, leuwih lega jeung leuwih murah deuih. Tapi basa aya elf hideung kosong lain elf nu Grupna geus maju ngaliwat jeung eureun nawaran kuring, kuring teu pikir panjang deui langsung naek dihareup nu kabeneran kosong. Lumayan yeuh posisi favorit. Pas ngalieuk ka gigir aya supir elf nu kacida sepuhna (bener-bener aki-aki /pakiraan mah 65-70 taun). Buukna cepak bodas pinuh ku huis. Raray mah nya raray model aki aki pada umumna. make kameja biru siga kaos pagawe mayasari bakti tapi ieu mah ipis. Ningali katukang ngan aya opatan kaasup kenek nu keur nundutan bari nyekelan teralis panto. Kenekna mah dijeket jeung dikupluk teu poho make kumis nu teu disisran. Panumpangna 2 ibu-ibu jeung bapa-bapa sorangan. Ti warban panumpangna teu nambah jeung ngurangan (meureun eureunna di Kawali). Laju elf nya sedeng wae teu siga elf lain nu ngarebut (40 km/jam). Sora mesin siga sora treuk matak sok tunduh ngadengena. Si supir baceo sorangan, tadina mah rek ngobrol jeung kenekna padahal mah kenekna keur peureum. "Ah silaing mah molor wae, lain neangan sewa, kehed" ceuk si supir (bari ngagorowok) meh ngahudangkeun kenek. Si kenek ngorejat (reuwas saeutik). "tunduh euy" tembal kenek. Si kenek langsung ngagulantung gigir lawang bari ngagorowokeun "sik, sik, sik,...". Tapi teu hasil. Si kenek diuk deui bari panonna meletet sarua jeung panumpang nu ditukangna ge karitu malah mah panumpang nu Bapa-bapa bari kerek sarena. Kuring mah cenghar ngan mideo kajadian di jero elf, lumayan kadadian langka siga kieu kudu didokumentasikeun. Ah kagok tadina rek eureun di simpang lima teh kagok we teruskeun deui ka cikoneng bari rek nempo dulur. "Kiri mang payun" ceuk kuring basa geus nepi di Kujang sebrangeun Pool Merdeka. Elf hideung ge langsung indit neruskeun pajalanan nepi Kawali.

ASK-PASUNDAN JAYA

Emam

Emam nyaeta kawajiban nu jadi kagemaran. Wajib emam pedah keur ngajaga nyawa. Jadi karesep pedah ngeunah,nepikeun kadeudeuieun. Tos emam, langsung tuang, tos tuang langsung dahar tos dahar langsung barang hakan,tos barang hakan langsung nyatu tos nyatu langsung lolodok. Emam mah cukup 3 kali. Emam enjing enjing, tuang siang sareng dahar sore. Mun kaleuleuwihan mah matak numpuk gajihna saleuheung mun gajihna dosodakohkeun kanu pareot jeung nu baregeng. Emam kudu sasuai jadwal. Matakan alusan bulan puasa bisa kaatur emamna. Nu ayeuna tacan emam mangga geura tuang.

ASK-PASUNDAN JAYA

Budak Jalu Nurun Ti Bapana (Like Father Like Son)

Mun nu boga keneh bapa hususna keur budak lalaki. Ti ayeuna ilikan si Bapa, tingalikeun gerak-gerik nu jadi Bapa boh sipatna atawa kabiasaanana. Sadar teu nyadar budak lalaki pasti nurutan kalakuan bapana. Tina cara ngomongna, seurina, leumpangna, dedegna, rupana kabeh ampir sarua ngan umur nu beda. Sok sing deukeut jeung nu jadi bapa teh, anjeunna nu bakal ngawarisan ka hidep tentang kahirupan. Bapa nu boga hak pikeun mere ngaran keur budakna (warisan nu jadi ciri nu bakal dibawa nepi ka aherat). Sagala pangalaman nu jadi bapa pasti dicaritakeun ka budakna. Bapa najan teu ngajuru jeung teu nyusuan tapi ngajiwaan nu jadi budak lalaki pikeun conto ke kahareup. Nu gorengna ulah diturutan nu alusan kudu dicontoan. Nu jadi bapa pasti reueus ningali budak lalakina nu geus tumbuh jadi pamuda, ngingetkeun anjeunna basa keur ngora. Aya du'a nu jadi Bapa ka Budak lalakina sing jadi panerus katurunan nu leuwih hade tibatan nu jadi Bapa. Nu jadi budak tingali nu jadi Bapa, ke anjeun ge mun kaumuran pasti siga jadi Bapana. Naon-naon nu piambekeun nu jadi Bapa ka budakna pasti kaalaman. Bapa jeung budak lalakina nu akur jeung sauyunan siga adi lanceuk. Tong nepikeun aya kasus siga Bapa gelut jeung budakna, nepi aya nu paeh. Sagalak-galakna Bapa pasti leuwih nyaah tibatan pikiran urang, saogo-ogona budak pasti hayang dipikanyaah ku Bapana.

ASK-PASUNDAN JAYA