Alam Pasundan
Ku : Agung Setiadi Kusumah
Hejona daun, biruna langit, herangna walungan
Subur reujeung segerna alam Pasundan
Matak betah ka semah
Matak heman ka pituin
Rahayatna calakan, someah, perkasa reujeung taat kanu agama
Katartiban, kaendahan, kaamanan ciciren alam Pasundan
Taya nagri nu nandingan kabeungharan alam Pasundan
Harita nepi ayeuna jadi puseur pamarentahan
Pamingpin nagri Pasundan kawentar ka manca nagara
Dipikaserab ku kabeh bangsa
Ngajungjung budaya nu luhung warisan ti karuhun
Nyepeng teguh jati diri nepi mulih ka bumi
Cik geura areling incu-incu ki Sunda
Kiwari loba karusakan di alam Pasundan
Ragana kagorogot jiwana pararetot
Tong nepikeun ki Sunda paeh molotot
Jati diri ki Sunda aya dina ati urang Sunda
Hate leutik moal ngabohongan
Urang kabeh pasti cinta alam Pasundan
Bela nepi getih ka ngucur sakabeh awak ancur lebur
Pikacinta alam Pasundan, lastari nagri saeusi-eusi
Alam Pasundan pasti jaya abadi
Nepikeun kiamat nu can ngajadi
Mugi Gusti Alloh Ngobulkeun du’a abdi
Tidak ada komentar:
Posting Komentar