Nu Tos Ningal Ieu Blog

Selasa, 12 Oktober 2010

Tikotok Dilebuan


Mun aya hayam pasti aya tikotok. BAheula mah hayam teh diabur/dikencarkeun tara dikurung dikandangna, da sok hideung balik deui kandangna (kolong imah panggung) mu geus burit. Ti isuk mula hayam geus liar neang kadaharan. Ti buruan imah nepi ka lawang panto imahbari noong jero imah sugan aya beunyeur keur catrukeun. Mun geus kieu teh si ema sok ngagebah hayam "hus...hus...hus...siiiiaaaahhh!!! dasar tangkorak hayam!". Hayam mantog ngan taina tinggaleun di tehel imah. " euh.... goblog tangkorak hayam teh modol di tehel nu karek dipel,...jang geura panglebuankeun yeuh tikotok meni rarujit." Ah si ema mah teu cara hayangna, ai basa keur euweuh deungeun sangu mah hayam teh dibageuran diparaban ku beunyeur ti beas nu karek dipanen "Kerrrrr,..tititititit (3x)..." si ema ngageroan hayam sina dahar, bari sakalian ditewak jang dipeuncit keur deungeun sangu. Bosen ceunah dahar jeung asin wae. Kuring teh langsung nyokot lebu sarawu ti hawu nu masih keneh haneut urut masak cai keur nginum tadi. Langsung we diawurkeun dina tikotok nu hideung rada kahejoan nu masih keneh ngebul (haneut keneh). Teu pati lila tikotok teh geus ngaheurasan jeung gampang disapukeun alias teu nemepel kana tehel. Mujarab eta lebu....!!!

ASK-PASUNDAN JAYA